දවසේ කාටුනය
Video of the week
ශ්රී ලංකා දැලේ මැලේසියාවත් පැටලේ
Friday, September 12, 2014
තරගයේ පළමු වටයේදී මැලේසියානු ක්රීඩිකාවන්ගේ ආක්රමණ හමුවේ පීඩනයට ලක්වූ ශ්රී ලංකා පිල ලකුණු 14-17ක් ලෙස පරාජයට පත්වුවද පීඩනයෙන් මිදෙන්නට දෙවැනි වටයේදී ආක්රමණය උපක්රමයක් ලෙස යොදාගැනීම නිසා ශ්රී ලංකා ක්රීඩිකාවන්ට එහිදී ලකුණු 19-14ක් ලෙස ඉදිරියට පැමිණීමට හැකිවිණි.
ඒ අනුව පළමු භාගය අවසාන වන විට ලකුණු 33-31ක් ලෙස ලකුණු 2ක තියුණු වාසියක් ඇතිව විවේකගන්නට ශ්රී ලංකා පිලට හැකි විය.
කෙසේ නමුත් කරට කර සටනක් පැවැති තෙවැනි වටය ලකුණු 17-16ක් ලෙස එක ලකුණකින් ජයගන්නට මැලේසියාව සමත්වුවත් අවසන් වටයේදී නැවත ක්රියාත්මක වූ ශ්රී ලංකා ක්රීඩිකාවෝ එම වටයේ ජයග්රහණය ලකුණු 17-14ක් ලෙස සටහන් තැබූහ.
නැවත වරක් ශ්රී ලංකා පිලේ ජය තහවුරු කරන්නට සමත් වූ තර්ජනී ශිවලිංගම් ලකුණු 65ක්ම ලබා දී තිබුණේ ඒ සඳහා ගත් උත්සාහයන් 72 කදීය.
ශෂිකා සමරසිංහ ඉතිරි ලකුණ ලබාගැනීමට උත්සාහයන් හතරක නියැළී තිබිණි.
මැලේසියාව වෙනුවෙන් තෝරා ශිෆින් ලකුණු 43ක් හා ඉස්ෆාන් ශ්යාරානා ලකුණු 19ක් රැස්කර තිබුණේ ඒ සඳහා ඔවුන් දෙදෙනා දැරූ උත්සාහයන් 78කදීය.
මේ අනුව ශ්රී ලංකාව මීළඟ වටයේදී හොංකොං පිල සමඟ ලබන සෙනසුරාදා සිංගප්පූරු වේලාවෙන් පස්වරු 5.00ට තරග වැදීමට නියමිතය.
Share this on Facebook
Comments[ 0 ]
Post a Comment